www.pergerakankebangsaaan.com

gallery/eye

22-04-2022

Totok mlebu nang cakruk’é Nyah Ndut, nimbrung kumpul karo konco-konco, pesen kopi Papua, terus ‘ngabsèn’ siji-siji: “Lik, wis ngerti durung?” Likwan karo aras-arasen njawab sak kenané: “Duruuung ...”

Nang Cuk Bowo: “Wis ngerti durung Cuk?”

“Durung Tok ...”

“Mas Amir?”

“Duruuung ...”

“Iki kabèh yo podho durung ngerti?”

“Duruuung ...,” jawab liyané kompak.

“Répot iki .... Jebul podho durung ngerti ... Répot .... Répot ....,” Totok omong dhéwé karo gèdhèg-gèdhèg.

Nyah Ndut penasaran: “Iki soal opo Tok?”

“Lho ... Nyah Ndut yo durung ngerti?” Totok gèdhègé tambah kenceng, tambah karo ngunjal ambegan. “Wis kojur tenan iki ...”

Cuk Bowo dadi jèngkèl: “Iki jan-jané soal opo Tok?”

Totok nyruput kopi, ngerti kabèh podho nunggu ‘penjelasan’ ... terus tambah aksi, nyumet rokok dhisik, gèk omong: “Kuwi lho soal opo-opo dadi larang ....”

“Salin rego, Tok ...,” Nyah Ndut grenengan.

“Ngono yo Nyah ...”

“Nèk soal kuwi yo wis ngerti Tok ...,” Kang Yos mèlu jèngkèl.

“Lho iki soal sebab-sebabé Kang. Soal asal-usulé ...”

“Opo Tok sing nyebabké akèh barang dadi salin rego?” Nyah Ndut penasaran.

“Omongé Lurahé Mukidi Nyah ... Soalé: ‘ada permainan’ ....”

Mas Amir: “Lho kan ora ono pertemuan nang Balé Deso ...”

Koh Bos: “Hè’èh Tok, ngerti Lurahé omong koyo ngono seko endi?”

Totok: “Seko Kang Pé ...”

Cak Babo: “Sing nggawe spanduk kuwi?”

“Hè’èh Cak. Lurahé pesen spanduk. Pesen sewelas iji. Limo rencana dipasang nang pasar.”

Cuk Bowo mèlu penasaran: “Tulisan nang spanduk muni piyé?”

“Awas Ada Permainan, Cuk ... Ono gambaré Lurahé barang Cuk.”

“Gèk opo?”

“Mbuh, Kang Pé ora gelem crito. Mungkin pas klèkaran kaé Cuk ...”

“Ngono yo Tok ...”

“Ya’é.” *** (22-04-2022)

Ada Permainan, Cuk